Нэмэгдсэн өртгийн албан татварын тухай хуулийг хэрэгжүүлснээр татварын алба 2016 оны улсын төсөвт урдчилсан байдлаар 1.5 их наяд төгрөгийн татварын орлого төвлөрүүлсний 35.0 хувь буюу 537.5 тэрбум төгрөг нь нэмэгдсэн өртгийн албан татварын орлого байна.

Мөн хууль хэрэгжсэнээр 38'825 бизнес эрхлэгч, хувь хүн хуулийн этгээд стандартын шаардлага хангасан бүртгэлийн машин хэрэглэж, мэдээллийг төлбөр тооцооны бүртгэлийн системд илгээж хэвшсэн бөгөөд энэ онд борлуулалтын орлогын хэмжээ нь хуулийн шаардлага хангасан 2'020 татвар төлөгч шинээр нэмэгдсэн өртгийн албан татвар суутган төлөгчөөр бүртгэгдсэн байна. 
Түүнчлэн оны эхний 11 сарын байдлаар 618’862 иргэн цахим төлбөрийн баримтын системд хэрэглэгчээр бүртгүүлэн 18 удаагийн сугалааны тохирлоос 83’000 мянган иргэн азтан болж сугалааны урамшуулал авсан бөгөөд дээрх иргэд албан татварын 20 хүртэл хувийн буцаан олголтоор 30.2 тэрбум төгрөгийг буцаан авах боломж бүрдээд бай

на.